Back to Top
 

JPrize Web Geo

ოთხშაბათი, 20 ნოემბერი 2019 16:30

გორის მერიამ საბავშვო ბაღებისთვის ფართების დაქირავებაში 65 173 ლარი დახარჯა

Rate this item
(0 votes)

გორის მუნიციპალიტეტის მასშტაბით, ამ დროისთვის 7 საბავშვო ბაღი ნაქირავებ შენობებში ფუნქციონირებს, სადაც სულ 700-მდე აღსაზრდელი ირიცხება. ამის მიზეზი ზოგიერთ შემთხვევაში ძველი შენობების ავარიული მდგომარეობაა.

გასული წლის მონაცემებით ამ მიზნით ბიუჯეტიდან სულ 65 173 ლარი დაიხარჯა.

ჯერჯერობით უცნობია, როდის იგეგმება ამ მხრივ ვითარების გაუმჯობესება და ქირისთვის გათვალისწინებული თანხების გამოთავისუფლება. 

მიმდინარე წელს ქალაქის მასშტაბით, ჯერჯერობით მხოლოდ ერთი საბავშვო ბაღი შენდება და ახალი სასწავლო წლის დაწყებამდე რამდენიმე სოფელში სკოლამდელი აღზრდის დაწესებულების ახალი შენობები გაიხსნა.

ამ დროისთვის ნაქირავებ შენობაში განთავსებულ საბავშვო ბაღებში ქალაქის მასშტაბით 424 აღსაზრდელი ირიცხება, სოფლად კი - 272 ბავშვი.

ნაქირავებ საბავშვო ბაღებში სულ 42 აღმზრდელი და 21 აღმზრდელის თანაშემწე მუშაობს.

Read 626 times