Back to Top
ოთხშაბათი, 13 ნოემბერი 2019 11:09

თეატრალური უნივერსიტეტის "სალოტბარო მიმართულების" გუნდი ბერშუეთში კონცერტს გამართავს

Rate this item
(0 votes)

შიდა ქართლის სამხარეო ადმინისტრაციისა და გორის მუნიციპალიტეტის საკრებულოს ორგანიზებით, საოკუპაციო ხაზთან მდებარე სოფელ ბერშუეთში, თეატრალური უნივერსიტეტის "სალოტბარო მიმართულების" გუნდი კონცერტს გამართავს.

"ღონისძიება მიზნად ისახავს ოკუპაციის ზოლთან მცხოვრები მოქალაქეების გამხნევებას, თანადგომას, მათთვის გამოცდილების გაზიარებას, უნივერსიტეტის შესაძლებლობების გაცნობასა და ტრადიციული კულტურის პოპულარიზაციას.
შიდა ქართლისა და ბერშუეთის სოფლის მცხოვრებლებს თეატრალური უნივერსიტეტის “სალოტბარო მიმართულება” სთავაზობს უფასო მოსამზადებელ კურსებს ამავე უნივერსიტეტში სამუსიკო მიმართულებაზე ჩასაბარებლად", - ნათქვამია გორის მუნიციპალიტეტის საკრებულოს მიერ გავრცელებულ ინფორმაციაში. 

კონცერტი 14 ნოემბერს, 17:00 სთ-ზე დაიწყება. დასწრება თავისუფალია.

Read 502 times