არჩილ ტატუნაშვილის ცხედარი ქართულ მხარეს გადასცეს

მარტი 20 2018 font size decrease font size increase font size
Rate this item
(0 votes)

დე ფაქტო ხელისუფლებამ ქართულ მხარეს არჩილ ტატუნაშვილის ცხედარი გადასცა. 

ცხედრის გადმოცემა  „წითელი ჯვრის საერთაშორისო კომიტეტის“ ჩართულობით მოხდა. ცხედარი ქართულ მხარეს ერგნეთის საგუშაგოზე გადასცეს. ცხედარს ჯერ თბილისში, ექსპერტიზის ეროვნულ ბიუროში გადაასვენებენ, რის შემდეგაც წილკანში, საკუთარ სახლში მიასვენებენ.

ცხედრის გადმოცემის პროცესში სახელმწიფო უსაფრთხოების სამსახურის ანალიტიკური დეპარტამენტის უფროსის მოადგილე კახა ქემოკლიძე, შერიგებისა და სამოქალაქო თანასწორობის საკითებში სახელმწიფო მინისტრი ქეთევან ციხელაშვილი და სხვა სახელმწიფო უწყებების წარმომადგენლები მონაწილეობდნენ.

შეგახსენებთ, რომ  22 თებერვალს, საოკუპაციო რეჟიმმა საქართველოს 3 მოქალაქე - არჩილ ტატუნაშვილი, ლევან ქუტაშვილი და იოსებ პავლიაშვილი ახალგორში დააკავა. 23 თებერვალს კი ოსურმა მედიამ გაავრცელა ინფორმაციას, რომ არჩილ ტატუნაშვილი ცხინვალის საავადმყოფოში დაიღუპა.

Read 1186 times Last modified on Last modified on მარტი 24 2018

გორის სათემო რადიო "მოზაიკას" პარტნიორი

studia-re

გორის სათემო რადიო "მოზაიკას" პარტნიორი

ნიმდი