გორში, უმრავლესობას ელექტროენერგიის გადასახადზე ნაგვის მოსაკრებლის მიბმა არ სურს

სექტემბერი 25 2019 font size decrease font size increase font size
Rate this item
(0 votes)

გორის მუნიციპალიტეტში მოსახლეობის 52% ნაგვის მოსაკრებელს ყოველთვიურად იხდის. ამის შესახებ ორგანიზაცია "ქართლოსის" მიერ ჩატარებული კვლევის წინასწარ შედეგებშია ნათქვამი.

მიუხედავად ამისა, 46% ისთვის ნაგვის მოსაკრებლის მიბმა ელ .ენეგრიის გადასახადზე მიუღებელია.30% ისთვის კი ეს საკითხი პრობლემას არ წარმოადგენს, ხოლო 8 % ისთვის კი ნაგვის გადასახადის გადახდა საერთოდ მიუღებელია. კვლევა რომელიც გორისმუნიციპალიტეტში ჩატარდა ქალაქის მასშტაბით ყველა დასახლებას და 6 სოფელს მოიცავს.ორგანიზაციის წარმომადგენელთა განმარტებით 18 წლიდან ზემოთ, ნარჩენების თემაზე სულ 400 მდე მოქალაქე გამოკითხეს.

წინასწარი შედეგების პრეზენტაცია დღეს გორის დემოკრატიის სკოლაში გაიმართა.

კვლევა განხორციელდა „საქართველოს სტრატეგიული კვლევებისა და განვითარების ცენტრის“ (CSRDG) მხარდაჭერით, პროექტის „სამოქალაქო საზოგადოების განვითარების ინიციატივა“ (2017 -2020) ფარგლებში. პროექტს ახორციელებს კონსორციუმი კონრად ადენაუერის ფონდის ხელმძღვანელობით. პროექტის მიზანია, ხელი შეუწყოს საქართველოში სამოქალაქო საზოგადოების გარემოს გაუმჯობესებას, გააძლიეროს სამოქალაქო საზოგადოების ორგანიზაციები, გაზარდოს მათი ანგარიშვალდებულება მოქალაქეების მიმართ და განამტკიცოს კავშირები სხვა აქტორებთან. პროექტი დაფინანსებულია ევროკავშირის მიერ, ხოლო თანადამფინანსებელია კონრად ადენაუერის ფონდი (KAS).

Read 375 times Last modified on Last modified on სექტემბერი 25 2019

გორის სათემო რადიო "მოზაიკას" პარტნიორი

studia-re

გორის სათემო რადიო "მოზაიკას" პარტნიორი

ნიმდი