Back to Top
 

JPrize Web Geo

ოთხშაბათი, 11 სექტემბერი 2019 12:20

შსს, გორის ეპარქია, დეპუტატის ბიურო - ვის ათხოვა გორის მერიამ მანქანები

Rate this item
(0 votes)
გორის მუნიციპალიტეტის მერიამ 14 მანქანა სხვადასხვა უწყებებს და სამსახურებს ათხოვა, - ამის შესახებ აუდიტის სახელმწიფო სამსახურის დასკვნაში ვკითხულობთ.
დოკუმენტის მიხედვით, მერიას 2018 წელს, 36 მსუბუქი და მაღალი გამავლობის სატრანსპორტო საშუალება ჰქონდა, თუმცა მათი ნაწილით ის თავად არ სარგებლობდა.
"ა(ა)იპ-ებზე თხოვების ფორმით გადაცემული იყო 3 მანქანა, შსს-ზე - 7 მანქანა, გუბერნიაზე - 1, დეპუტატის ბიუროზე - 2 , გორის ეპარქიაზე კი - 1", - წერია აუდიტის პირველად ანგარიშში.
როგორც ცნობილია, ამ პერიოდისთვის მერია განკარგავდა 22 ერთეულ მსუბუქ ავტომანქანას, საიდანაც 4 ამორტიზებული იყო. დოკუმენეტში ვკითხულობთ, რომ მანქანების ეს რაოდენობაც მნიშვნელოვნად აღემატება დადგენილ ზღვრულ ოდენობას - მერია რეკომენდებული 10 ერთეულის ნაცვლად, 22 სამორიგეო ავტომანქანას განკარგავდა.
შეგახსენებთ, რომ გორის მერია ამჟამად 5 ავტომანქანის გაყიდვას და 2 ავტომობილის შეძენას აპირებს. საკითხი უკვე საკრებულოს დღის წესრიგში დგას.
Read 630 times Last modified on ოთხშაბათი, 11 სექტემბერი 2019 12:33