Print this page
ორშაბათი, 12 მარტი 2018 11:49

ახალგორიდან გათავისუფლებულებმა მცხეთის პოლიციის შენობა უკომენტაროდ დატოვეს

Rate this item
(0 votes)

ლევან ქუტაშვილმა და იოსებ პავლიაშვილმა შინაგან საქმეთა სამინისტროს მცხეთა-მთიანეთის შენობა ისე დატოვეს, რომ ჟურნალისტებთან კომენტარი არ გააკეთეს. ქუტაშვილს და პავლიაშვილს პოლიციის შენობასთან ოჯახის წევრები ელოდებოდნენ. ისინი მცხეთიდან სავარაუდოდ საცხოვრებელ სახლებში წავიდნენ.

ლევან ქუტაშვილი და იოსებ პავლიაშვილი პოლიციის შენობაში გამოკითხვაზე იმყოფებოდნენ. მანამდე კი დევნილთა და განსახლების მინისტრს სოზარ სუბარს, სახელმწიფო მინისტრს შერიგებისა და სამოქალაქო თანასწორობის საკითხებში ქეთევან ციხელაშვილს, შინაგან საქმეთა მინისტრის პირველ მოადგილე კახაბერ საბანაძესა და სახელმწიფო უსაფრთხოების სამსახურის საინფორმაციო-ანალიტიკური დეპარტამენტის დირექტორის მოადგილე კახაბერ ქემოკლიძეს შეხვდნენ.

ლევან ქუტაშვილმა და იოსებ პავლიაშვილმა ოკუპირებული ახალგორი 11 მარტს დატოვეს.

სახელმწიფო უსაფრთხოების სამსახურის ინფორმაციით, 22 თებერვალს ოკუპირებული ცხინვალის წარმომადგენლებმა საქართველოს მოქალაქეები არჩილ ტატუნაშვილი,ლევან ქუტაშვილი და იოსებ პავლიაშვილი უკანონოდ დააკავეს.

Read 1556 times Last modified on ორშაბათი, 12 მარტი 2018 13:03