Back to Top
ხუთშაბათი, 08 აგვისტო 2019 15:53

ბიჭი, რომელმაც გორში ანტისაოკუპაციო წარწერები გააკეთა

Rate this item
(0 votes)

28 წლის ვახტანგ გაგნიძემ გორში, სხვადასხვა ადგილას ანტისაოკუპაციო წარწერები გააკეთა.

"რუსეთი ოკუპანტია", "სტოპ რასსია" - ამ შინაარსის წარწერებს ქალაქის ცენტრალურ ნაწილში, კედლებსა და გზებზე შეხვდებით.

ვახტანგი ამბობს, რომ ამ ფორმით რუსული აგრესიის მიმართ საკუთარი პროტესტის გამოხატვა სცადა.

"პირადად ჩემთვის რუსეთი არის ოკუპანტი. ამიტომ გადავწყვიტე, სხვადასხვა ადგილას გამეკეთებინა ამ შინაარსის წარწერები", - უთხრა რადიო "მოზაიკას" გაგნიძემ.

ინფორმაციისთვის, მსგავსი შინაარსის წარწერა RUSSIA IS AN OCCUPIER / რუსეთი ოკუპანტია სამოქალაქო აქტივისტებმა გორში წუხელ, ღამითაც გააკეთეს, თუმცა გორიჯვრის ქუჩაზე გაკეთებული ეს წარწერა ახლა უკვე წაშლილია.

Read 2089 times