Back to Top
 

JPrize Web Geo

ორშაბათი, 29 ივლისი 2019 11:43

ბორის გოგიჩაიშვილს ყოფილი ცირკის ტერიტორია სიმბოლურ ფასად გადაეცემა

Rate this item
(0 votes)

გორში, კულტურისა და დასვენების პარკთან მდებარე ყოფილი ცირკის ტერიტორია ბორის გოგიჩაიშვილს სიმბოლურ ფასად გადაეცემა. ეს ინფორმაცია რადიო მოზაიკას ეკონომიკის სამინისტროში დაუდასტურეს.

უწყების განმარტებით, ამ დროისთვის აღნიშნული უძრავი ქონება სახელმწიფო საკუთრებას წარმოადგენს და მისი კერძო პირისთვის გადაცემის საკითხი იურისტების მიერ განიხილება.

"ეს ქონება გორის მერიამ ჩვენს სამინისტროს გადასცა, არსებობს სასამართლოს განჩინება, რომელიც უნდა აღსრულდეს და მის შესაბამისად ხორციელდება პროცედურები. უახლოეს მომავალში ამ საკითხს მთავრობის სხდომაზე გავიტანთ და შემდეგ უკვე სიმბოლურ ფასად ის დაუბრუნდება ბორის გოგიჩაიშვილს"-აცხადებენ ეკონომიკის სამინისტროს წარმომადგენელი ნიკა კამუშაძე.

ბორის გოგიჩაიშვილს უკვე გადაწყვეტილი აქვს თუ რა დატვირთვას მისცემს ტერიტორიას, რომლის საკუთრებაში გადაცემასაც ყოველდღე ელოდება. ვიდრე ის სასტუმროს მშენებლობის გეგმას აწყობს,ოპოზიციაში უსამართლო გადაწყვეტილებაზე მიუთითებენ და ამბობენ, რომ 1996 წლის შემდეგ, როდესაც აღნიშნულ ტერიტორიაზე ცირკის შენობა დაიწვა, მიწის ნაკვეთი აქ ბორის გოგიჩაიშვილს იჯარით ჰქონდა აღებული და ქონების საკუთრებაში დარეგისტრირება ოპოზიციის აზრით არასწორი და უკანონო იქნება.

"ოცნების" შემომწირველი ბიზნესმენი სახელმწიფოსგან გორში, 12 840 კვ.მ. ფართის გადაცემას ელოდება

Read 1561 times Last modified on ორშაბათი, 29 ივლისი 2019 11:51