Back to Top
 

JPrize Web Geo

ოთხშაბათი, 17 ივლისი 2019 15:11

გორის მერიამ თეატრს მიწის ფართი უსასყიდლოდ გადასცა

Rate this item
(0 votes)

გორის მუნიციპალიტეტის საკრებულომ მხარი დაუჭირა მერიის წინადადებას, რომლის მიხედვით, გიორგი ერისთავის სახელობის პროფესიულ სახელმწიფო დრამატულ თეატრს უსასყიდლოდ, 2 წლის ვადით გადაეცა ადგილები, რომელზეც საინფორმაციო დაფები განთავსდება.

აღნიშნული ტერიტორიები ქალაქის სხვადასხვა ნაწილში მდებარეობს და მათი ფართობი ჯამში 20 კვადრატულ მეტრს არ აღემატება.

როგორც გორის მუნიციპალიტეტის საკრებულოს განკარგულებიდან ირკვევა, ადგილების უფასოდ გადაცემა განაპირობა იმან, რომ თეატრს ფინანსური მდგომარეობა არ აძლევს საშუალებას დამატებით გადაიხადოს, თუნდაც მიზერული საიჯარო თანხა.

გორის თეატრი აღნიშნულ ადგილებზე საინფორმაციო დაფებს დადგამს, რომელზეც აფიშები განთავსდება.აღნიშნულ ტერიტორიებზე განთავსებული დაფების პროექტი შეთანხმებული იქნება გორის მუნიციპალიტეტის მერიის სივრცითი მოწყობისა და ინფრასტრუქტურის სამსახურთან.

Read 620 times