Back to Top
 

JPrize Web Geo

ოთხშაბათი, 22 მაისი 2019 16:25

გორში სასტარტო პისტოლეტის ქურდობის ფაქტზე 16 წლის მოზარდი ამხილეს

Rate this item
(0 votes)

შინაგან საქმეთა სამინისტრომ გორში, ჭავჭავაძის ქუჩაზე მომხდარი ძარცვის ფაქტი გახსნა - მხილებული არასრულწლოვანია.

შინაგან საქმეთა სამინისტროს შიდა ქართლის პოლიციის დეპარტამენტის გორის რაიონული სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, გორში მომხდარი ძარცვის ფაქტზე 2003 წელს დაბადებული გ.დ. ამხილეს.

შსს ცნობით, გამოძიებამ დაადგინა, რომ ჭავჭავაძის ქუჩაზე მდებარე მაღაზიიდან არასრულწლოვანმა მაღაზიიდან სასტარტო პისტოლეტი და 10 ვაზნა მოიპარა, რის შემდეგაც ადგილიდან მიიმალა.

სამართალდამცველებმა მხილებულის საცხოვრებელი სახლიდან უკანონოდ მოპოვებული იარაღი ნივთმტკიცებად ამოიღო. მხილებული ჩადენილ დანაშაულს აღიარებს.

გამოძიება ძარცვის ფაქტზე, საქართველოს სსკ-ს 178-ე მუხლის 1-ლი ნაწილით მიმდინარეობს.

Read 985 times