გორის საკრებულოს დაზიანებული შენობა წელს არ გარემონტდება

აპრილი 18 2019 font size decrease font size increase font size
Rate this item
(0 votes)

გორის მუნიციპალიტეტის საკრებულოს შენობის რეაბილიტაცია წელს ვერ მოხდება.

მერიაში ამბობენ, რომ შენობის გარემონტება დიდ თანხასთანაა დაკავშირებული, რაც 2019 წლის ბიუჯეტში არაა გათვალისწინებული.

“შენობის რეაბილიტაცია დიდ ხარჯებთანაა დაკავშირებული ამ ეტაპზე რეაბილიტაცია არ იგეგმება. თანხები დათვლილი არ გვაქვს, რომ დავითვალოთ პროექტიც უნდა შევუკვეთოთ, რომელიც ძვირად ღირებულია. დღეის მდგომარეობით ჩანიშნული არ არის რეაბილიტაცია და არც შენობა ავარიული“, - განაცხადეს გორის მერიაში.

საკრებულოს თავმჯდომარის, დავით რაზმაძის თქმით, შენობა კულტურული მემკვიდრეობის ძეგლია. შესაბამისად, მისი რეაბილიტაციაც რთულია.

“რეაბილიტაცია დიდ თანხებთანაა დაკავშირებული. ეს არის კულტურული მემკვიდრეობა, ყველაფრის დაცვაა საჭირო. ვერ შეცვლი, აღდგენა უნდა გაკეთდეს, საკმაოდ რთული საკითხია“, - აღნიშნა დავით რაზმაძემ.

საკრებულოს თანამშრომლების თქმით, შენობა წლებია ავარიულ მდგომარეობაშია და რეაბილიტაცია ესაჭიროება. 

Read 730 times Last modified on Last modified on აპრილი 18 2019

გორის სათემო რადიო "მოზაიკას" პარტნიორი

studia-re

გორის სათემო რადიო "მოზაიკას" პარტნიორი

ნიმდი