Back to Top
 

JPrize Web Geo

ორშაბათი, 25 თებერვალი 2019 12:06

გორელი ახალგაზრდები ბაკურიანში ქურდობის ფაქტზე ამხილეს

Rate this item
(0 votes)

დაბა ბაკურიანში მაღაზიები, სილამაზის სალონი და სანოტარო ბიურო გატეხეს,  ერთ-ერთი სასტუმროდან კი სათამაშო აპარატები მოიპარეს. 

შსს-მ დანაშაულის ჩადენაში 5 პირი ამხილა, მათ შორის 2 არასრულწლოვანი გორელია. პოლიციის ინფორმაციით, მათ ასევე სცადეს მეორე სანოტარო ბიუროს გაქურდვაც.

შს სამინისტროს ცნობით, დანაშაულში მხილებულნი არიან: 2002 წელს დაბადებული ა. მ., 2005 წელს დაბადებული გ. თ., 2006 წელს დაბადებული ლ. კ. და 2004 წელს დაბადებული ნ. მ. 

ხუთივე არასრულწლოვანი ქურდობის 9-ვე ფაქტს აღიარებს. 

სამართალდამცველებმა ნივთმტკიცებად ამოიღეს ნაქურდალი ნივთები. გამოძიება სისხლის სამართლის კოდექსის 177 -ე მუხლის მე-2 ნაწილის „ბ“ ქვეპუნქტით და მე-3 ნაწილის „ა“ ქვეპუნქტით მიმდინარეობს.

Read 1683 times Last modified on ორშაბათი, 25 თებერვალი 2019 18:59