გორის მერიის არქიტექტურის განყოფილების უფროსი სპორტის სააგენტოში გადაჰყავთ

იანვარი 30 2019 font size decrease font size increase font size
Rate this item
(0 votes)

რადიო "მოზაიკას" ინფორმაციით, გორის მუნიციპალიტეტის მერიის არქიტექტურის განყოფილების უფროსი სპორტის სააგენტოში გადაჰყავთ.

მერიის არქიტექტურის განყოფილების ხელმძღვანელმა თანამდებობა პირადი განცხადების საფუძველზე დატოვა. ნონა ლურსმანაშვილი, რადიო "მოზაიკას" ინფორმაციით, სპორტის განვითარებისა და ხელშეწყობის სააგენტოში, საშუალო პოზიციაზე ინიშნება.

სააგენტოს ხელმძღვანელის გიორგი პურიჭამიაშვილის განცხადებით, ამ საკითხზე კადრების განყოფილებაში კვლავ მსჯელობა მიმდინარეობს, საბოლოო გადაწყვეტილება კი მან, როგორც სააგენტოს ხელმძღვანელმა უნდა მიიღოს.

პურიჭამიაშვილი არ გამორიცხავს, რომ ლურსმანაშვილმა ამჟამად დასაქმებული სხვა პირის პოზიცია დაიკაოს.

"ჯერჯერობთ გადაწყვეტილი არ არის, ზუსტად რა პოზიციას დაიკავებს ნონა ლურსმანაშვილი. გვაქვს ვაკანტური ადგილები და შესაძლოა რომელიმე მათგანზე დავნიშნოთ, თუ გავითვალისწინებთ რომ წელს სახელფასო ფონდი შემცირებულია, არ არის გამორიცხული, რომ ვინმეს ადგილზე ჩავანაცვლოთ", - აცხადებს გიორგი პურიჭამიაშვილი.

Read 539 times

გორის სათემო რადიო "მოზაიკას" პარტნიორი

studia-re

გორის სათემო რადიო "მოზაიკას" პარტნიორი

ნიმდი