ამ დროისთვის გორის ყოფილი ვიცე-მერი საქმიანობას არსად აგრძელებს და სახლში ისვენებს.
რადიო "მოზაიკას" კითხვაზე, ელოდება თუ არა მერისგან ახალ შემოთავაზებას, აცხადებს, რომ გამორიცხული არაფერია და სადაც მისი შესაძლებლობები იქნება საჭირო მუნიციპალიტეტის განვითარებისთვის, იქ გააგრძელებს ,იშაობას.
"ამჟამად, არსად ვმოღვაწეობ, სახლში ვარ და ვისვენებ. არანაირ შემოთავაზებაზე ჯერჯერობით საუბარი არ არის. ვფიქრობ, რომ რაიმე შემოთავაზება აუცილებლად იქნება, თუმცა ეს მერის გადასაწყვეტია. ყოველ შემთხვევაში, მე ასეთი მოლოდინი მაქვს", - ამბობს გელა კაპანაძე.
რადიო "მოზაიკამ" მერის ყოფილ მოადგილეს კითხა, რამდენად კომფორტული იქნებოდა ვიცე-მერობიდან რომელიმე ა(ა)იპ-ში ან სამსახურში გადაყვანა და თუ დასთანხმდებოდა მსგავს შემოთავაზებას - გელა კაპანაძე ამბობს, რომ სადაც მისი შესაძლებლობები იქნება საჭირო მუნიციპალიტეტის განვითარებისთვის, მზადაა იმ სფეროში გააგრძელოს საქმიანობა.