საცურაო აუზის მშენებლობის დაწყებას კონსტანტინე თავზარაშვილი მერობამდე კანდიდატის რანგში აანონსებდა, თუმცა როგორც ამჟამად ამბობს, ამ საკითხის ირგვლივ არსებული დეტალები, როგორიცაა პროექტი, ბიუჯეტი და ა.შ. განხილვის საგნად მერიაში ჯერ არ ქცეულა.

მერის დაპირებას საცურაო აუზთან დაკავშირებით  „გორის დარბაზის“ დამფუძვნებლი ეხმაურება. თამაზ მაყაშვილი, რომელიც წლების განმავლობაში გორის ყოფილი საცურაო აუზის ერთერთი მესაკუთრე იყო, ამბობს, რომ ობიექტის აშენების გეგმა, რომელზეც თავზარაშვილი საუბრობს, რეალებას მოკლებული და რთულად განსახორციელებელია.

საცურაო აუზის არსებობას გორელები წლებია უშედეგოდ ითხოვენ. ოპოზიციაში ფიქრობენ, რომ განსაკუთრებული მოთხოვნის მქონე დაწესებულების გახსნის იდეა ,,ქართულმა ოცნებამ“ წინასაარჩევნოდ შეგნებულად წამოჭრა.