Back to Top
 

JPrize Web Geo

სამშაბათი, 06 თებერვალი 2018 12:29

სახელმწიფო დევნილ ოჯახებს იპოთეკური სესხის დაფარვაში დაეხმარება

Rate this item
(0 votes)

"გრძელვადიანი საცხოვრებელი ფართით უზრუნველყოფის მიზნით, სახელმწიფო ერთჯერად ფულად დახმარებას გასცემს იმ დევნილ ოჯახებზე, რომლებსაც 2018 წლის პირველ იანვრამდე, იპოთეკური სესხით შეძენილი აქვთ სახლი, ბინა და აღნიშნული წარმოადგენს ოჯახის ერთადერთ საკუთრებას," - ამის შესახებ დევნილთა და განსახლების მინისტრის მოადგილე შოთა რეხვიაშვილმა განაცხადა. ინფორმაციას 1TV-ი ავრცელებს.

მინისტრის მოადგილის ინფორმაციით, პროექტი საქართველოს მასშტაბით ხორციელდება.

„იპოთეკური სესხის დაფარვისათვის ფულადი დახმარების მაქსიმალური ოდენობა ერთ ოჯახზე 20 000 ლარია. ამ ეტაპზე, დევნილთა და განსახლების სამინისტრო სესხს 100 დევნილ ოჯახს დაუფარავს. განცხადების მიღება 10 იანვარს დაიწყო და 12 თებერვლამდე გაგრძელდება.ამიტომ სამინისტრო კიდევ ერთხელ მოუწოდებს დევნილებს, გააქტიურდნენ და შეავსონ განაცხადები. პროექტი საქართველოს მასშტაბით ხორციელდება“, - განაცხადა რეხვიაშვილმა.

Read 1826 times