Back to Top
 

JPrize Web Geo

სამშაბათი, 30 იანვარი 2018 16:00

ცხინვალი რუსეთის საპრეზიდენტო არჩევნებისთვის ემზადება

Rate this item
(0 votes)

ცხინვალის რეგიონში რუსეთის საპრეზიდენტო არჩევნებისთვის 9 უბანი გაიხსნება. კენჭისყრაში მონაწილეობას მოსახლეობის ის ნაწილი მიიღებს, რომელთაც რუსული პასპორტები აქვთ. ეს ინფორმაცია რუსულმა მედიამ გაავრცელა.

ოკუპირებული ცხინვალის რეგიონში მოქმედი ე.წ. რუსეთის საელჩოს ცნობით, ე.წ. საარჩევნო უბნები გაიხსნება ცხინვალში, ზნაურში, ჯავაში, ახალგორსა და დმენისში.

„ჯერჯერობით, რუსეთის ცენტრალური საარჩევნო კომისია კომპლექსურ სამუშაოებს ახორციელებს, რათა პროცესი რუსეთის კანონმდებლობასთან შესაბამისობაში მოვიდეს. საელჩო იმედოვნებს, რომ რეგიონში მცხოვრები რუსეთის მოქალაქეები ხმის მიცემის პროცესში მონაწილეობას აქტიურად მიიღებენ“, - ამის შესახებ რუსეთის ე.წ. საელჩოში აცხადებენ.

რუსეთის პრეზიდენტის არჩევნები 18 მარტს გაიმართება.

Read 1424 times