საკრებულოს თავმჯდომარე: რადიო "მოზაიკა" ჩინოვნიკებს აფხიზლებს

სექტემბერი 07 2018 font size decrease font size increase font size
Rate this item
(0 votes)

რადიო "მოზაიკას" მუშაობის შეფასება გორის მუნიციპალიტეტის საკრებულოს თავმჯდომარეს ახალგაზრდებთან შეხვედრისას მოუწია.

დავით რაზმაძე შიდა ქართლის რეგიონში, სხვადასხვა სფეროს წარმომადგენელ ახალგაზრდებს, ცენტრალური საარჩევნო კომისიის ფინანსური მხარდაჭერილი პროექტის “კარგი მმართველობის ინსტიტუტის“ ფარგლებში შეხვდა. სხვა აქტუალურ საკითხებთან ერთად შეხვედრის მონაწილეები რეგიონში მოქმედი მედიასაშუალებების მუშაობითაც დაინტერესდნენ და ამასთან დაკავშირებით აზრი წარმომადგენლობითი ორგანოს ხელმძღვანელსაც ჰკითხეს.

"რადიო " მოზაიკა" ერთ-ერთი საუკეთესო მედიასაშუალებაა, რაც მთავარია დაკომპლექტებულია პროფესიონალი კადრებით და მისთვის უინტერესო სფერო არ რჩება. აშუქებს ეს რადიო ყველა საკითხს, რაც მოქალაქეებისთვის საინტერესოა. სიღრმისეულად და დეტალურად, რაც ვფიქრობ ჩინოვნიკების გამოსაფხიზლებლად აუცილებელია. ძალიან მნიშვნელოვანია დამოუკიდებელ მედიას ჰქონდეს მხარდაჭერა და ხელშეწყობა მაუწყებლობის ინტენსიურ რეჟიმში გასაგრძელებლად, მე წარმატებას ვუსურვებ მის ყველა წარმომადგენელს", - აღნიშნა ახალგაზრდებთან შეხვედრისას დავით რაზმაძემ.

აღნიშნული პროექტის ფარგლებში ახალგაზრდები ამ დროისთვის ვიცე-მერს, გელა კაპანაძეს ხვდებიან.

Read 797 times

ადგილი შენი რეკლამისთვის

გორის სათემო რადიო "მოზაიკას" პარტნიორი

studia-re

გორის სათემო რადიო "მოზაიკას" პარტნიორი

ნიმდი