"გორმედში" მამაკაცი გარდაიცვალა

აგვისტო 19 2018 font size decrease font size increase font size
Rate this item
(0 votes)

"გორმედში" 61 წლის მამაკაცი გარდაიცვალა. 

გარდაცვლილის ახლობლების ინფორმაციით, მამაკაცი სამედიცინო ცენტრში დღეს დილით სასწრაფო სამედიცინო დახმარების ბრიგადამ მიიყვანა. ექიმებმა ის კლინიკაში კუჭთან დაკავშირებული პრობლემების დიაგნოზით დააწვინეს, თუმცა გარდაცვალებამდე ცოტა ხნით ადრე უთხრეს, რომ მას გული ჰქონდა გადიდებული. 

მომხდარის გამო, ახლობლებმა ადგილზე პოლიცია გამოიძახეს. შინაგან საქმეთა სამინისტროს ინფორმაციით, გამოძიება სსიკ-ის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს. 

რადიო "მოზაიკა" სამედიცინო ცენტრის რეანიმაციული განყოფილების უფროსს, დავით ყაზაიშვილს დაუკავშირდა. მისი თქმით, მამაკაცის გარდაცვალების მიზეზი გულის ქრონიკული უკმარისობა გახდა. 

"რომ შემოიყვანეს, ვეჭვობდით, რომ ნაწლავის თრომბოზთან გვქონდა საქმე. ამ დიაგნოზით დავტოვეთ კლინიკაში. რაღაც მომენტში დასტაბილურდა მდგომარეობა, მაგრამ მერე ისევ გაუარესდა და საბოლოოდ, გარდაცვალების მიზეზი გულის უკმარისობა გახდა", - გვითხრა ყაზაიშვილმა. 

შინაგან საქმეთა სამინისტროს წარმომადგენლები ამ დრომდე ადგილზე რჩებიან. 

 

 

Read 5824 times Last modified on Last modified on აგვისტო 19 2018

გორის სათემო რადიო "მოზაიკას" პარტნიორი

studia-re

გორის სათემო რადიო "მოზაიკას" პარტნიორი

ნიმდი