Back to Top
 

JPrize Web Geo

შაბათი, 11 აგვისტო 2018 12:59

რუსეთის მოსახლეობის 80 პროცენტი მიიჩნევს, რომ სამხრეთ ოსეთის აღიარება გამართლებულია

Rate this item
(0 votes)

სრულიად რუსეთის საზოგადოებრივი აზრის შემსწავლელი ცენტრმა 2018 წლის 6 აგვისტოს გამოკითხვა ჩაატარა. გამოკიუთხვის შედეგებზე მასალას "კომერსანტი" აქვეყნებს. 

გამოკითხვების შედეგების მიხედვით, რესპონდენტების 80% მხარს უჭერს რუსეთის ხელისუფლების მიერ სამხრეთი ოსეთის დამოუკიდებლობის აღიარების გადაწყვეტილებას. წინააღმდეგი გამოკითხული რუსების მხოლოდ 9% იყო, – წერს „კომერსანტი“.

გამოცემის ცნობით, 2008 წლის ომის შედეგ საქართველოში მიმდინარე მოვლენებისთვის თვალ-ყურის დევნებას გამოკითხვის მონაწილეთა მესამედზე მეტი (36%) აგრძელებს. რესპონდენტების 81%-ს მიაჩნია, რომ რუსეთი სწორად მოიქცა, როდესაც 2008 წელს სამხრეთ ოსეთის აღიარებას მხარი დაუჭირა.

გამოკითხულების 31%-ს მიაჩნია, რომ დღეისთვის რუსულ-ქართული ურთიერთობები ნორმალიზებულია. საქართველოსთან ურთიერთობას ნელ-თბილი უწოდა 29%-მა, 7%-მა კი ის დაძაბულად შეაფასა. გამოკითხვის მონაწილეთა კიდევ 7%-მა საქართველოსთან ურთიერთობა შეაფასა, როგორც კეთილმეზობლური და მეგობრული.

გამოკითხვა 18 წელიწადზე უფროსი ასაკის 1,6 ათას რესპონდენტს შორის ჩატარდა. გამოკითხვის მეთოდი სატელეფონო ინტერვიუ იყო. სტატისტიკური ცდომილება 2, 5 %-ს არ ცდება.

Read 1113 times