Back to Top
 

JPrize Web Geo

პარასკევი, 10 აგვისტო 2018 12:59

დიცში მცხოვრები: არცერთ მტკაველ მიწას არ დავუთმობთ

Rate this item
(0 votes)

“ბევრი ვიბრძოლეთ და ერთი, 20 მეასედი მიწა დავატოვინეთ“, - სოფელ დიცში, გამყოფ ხაზთან მცხოვრები 85 წლის ვენერა ედიშერაშვილს, აგვისტოს ომიდან 10 წლის შემდეგ, ოკუპაციასთან ბრძოლა ყოველდღიურად უწევს.

მისი ეზოდან რამდენიმე მეტრში საოკუპაციო ბანერი დგას და მავთულხლართია გაბმული. 


“დავუთმოთ ჩვენი მშობლიური მიწაა? არ დავუთმობთ, ერთ მტკაველსცა არ დავუთმობთ“, - ამბობს მოხუცი.

ვენერა ედიშერაშვილი 2008 წლის აგვისტოსაც იხსენებს და ამბობს, რომ მასთან მისულმა რუსმა ჯარისკაცებმა მთელი ღამე ღია ცის ქვეშ გაათენებინეს

“აქ იყვნენ მოსულები, 10 ჯარისკაცი იქნებოდა, ზოგი პატარა ბავშვი იყო, ავტომატს ძლივს ერეოდა, ფეხებთან დასთრევდათ, სახლში შევარდნენ, ყველაფერი წაიღეს, თუ რამე მოეწონათ, ძროხები წაიყვანეს, ღორები, ქათმები დახოცეს, ტყავი გადააცალეს და ისე წაიღეს. მთელი ღამე ეზოში გამათენებინეს, სახლში არ შემიშვეს“, - იხსენებს ვენერა ედიშერაშვილი.

Read 1668 times