Back to Top
 

JPrize Web Geo

პარასკევი, 15 ივნისი 2018 18:40

ზაზა სარალიძე მერის თანაშემწეზე: ბოდიშის მოხდა საქმეს არ შველის

Rate this item
(0 votes)

"ბოდიშის მოხდა საქმეს არ შველის, პროკურატურამ გორის მერის თანაშემწე უნდა დაკითხოს", - ეს განცხადება რადიო ,,მოზაიკასთან“ საუბრისას ზაზა სარალიძემ გააკეთა.

მოკლული მოზარდის მამა განმარტავს, რომ კახა ბლიაძის მიმართ სათანადო რეაგირება გორის მერს აქამდეც უნდა მოეხდინა, მაგრამ სოციალურ ქსელში გამოქვეყნებული შეურაცხმყოფელი სტატუსის გამო, სარალიძის თქმით, მერის თანაშემწეს გაფრთხილება ან შენიშვნაც არ მიუღია. 


,,მე რომ ვინმეს ვაგინო და შემდეგ ბოდიში მოვიხადო, მაპატიებენ? ბოდიში საქმეს არ შველის, პროკურატურა უნდა დაინტერესდეს იმ სიტყვებით, რაც მან სოციალურ ქსელში დაწერა“, - აცხადებს ზაზა სარალიძე

გორის მუნიციპალიტეტის მერის თანაშემწის მიერ სოციალურ ქსელში დაწერილ კომენტარს, რომელიც ხორავას ქუჩაზე მოკლული ახალგაზრდას და მის მამას ეხებოდა, მოქალაქეების მხრიდან დიდი გამოხმაურება მოჰყვა. საზოგადოების ნაწილი მისი თანამდებობიდან გათავისუფლებას ითხოვს.

Read 1984 times Last modified on პარასკევი, 15 ივნისი 2018 18:52