Back to Top
 

JPrize Web Geo

ხუთშაბათი, 17 მაისი 2018 12:35

გორში იეჰოვას მოწმეების სამეფო დარბაზს თავს დაესხნენ

Rate this item
(0 votes)

16 მაისს, გორში წმინდაწყლის დასახლებაში მდებარე იეჰოვას მოწმეების სამეფო დარბაზს ცეცხლსასროლი იარაღიდან ესროლეს, - ეს ინფორმაცია რადიო "მოზაიკას" ადამიანის უფლებათა ცენტრმა მიაწოდა. 

ადგილობრივების განცხადებით, სამეფო დარბაზს, სავარაუდოდ, სანადირო თოფიდან ესროლეს.

tadzari iehova 17.5

სამეფო დარბაზს ნატყვიარის გარდა გაკეთებული აქვს წარწერა - "იწამე ღმერთი ჩვენი".

შსს პრესსამსახურის განცხადებით, მომხდარზე გამოძიება სსკ-ის 156-ე მუხლის პირველი ნაწილით (სხვისი ნივთის განზრახ დაზიანება, რომელმაც მნიშვნელოვანი ზარალი გამოიწვია) მიმდინარეობს.

jvari tadzari 175

"გორში იეჰოვას მოწმეების რელიგიურ საქმიანობაში ხელის შეშლის პირველი შემთხვევა არ არის. ორი თვის წინ სამეფო დარბაზის გალავანზე ჯვრები გამოსახეს. ადამიანის უფლებათა ცენტრი მოუწოდებს შინაგან საქმეთა სამინისტროსა და პროკურატურას, ჩაატაროს ეფექტიანი გამოძიება, გამოკვეთოს სიძულვილისა და დისკრიმინაციის მოტივი, გამოავლინოს დამნაშავეები და დასაჯოს ისინი კანონის სრული სიმკაცრით", - ნათქვამია ადამიანის უფლებათა ცენტრის განცხადებაში. 

Read 2543 times Last modified on ხუთშაბათი, 17 მაისი 2018 13:19